古佩玲笑容僵硬引发大刘“硬胶”论　陈浚霆力撑：如果係整就一齐

古佩玲早前出席《万千星辉颁奖典礼2023》上台领奖讲感言时，因笑容不自然凹陷呈现“硬胶”样而引发网民热议。TVB处境喜剧《爱·回家之开心速递》于电视城举行宣传活动，古佩玲未有出席。

对于绯闻女友古佩玲被批“硬胶”样，陈浚霆在接受《香港01》访问时表示：“我都有睇新闻，事后我都有同佢倾偈，唔觉得佢有唔开心，而佢都有同我讲佢自己一直都係baby Fat，倾偈过程觉得佢心理质素都好好，反而佢安慰返我转头，叫我唔使担心佢，因为我係惊佢会有嘢。不过我同佢都係当笑话一宗。

（你有冇整蛊吓佢，笑佢又整得几靓！）我都有话，如果係整嘅就一齐，仲问佢有咩好介绍。不过无论点，我都会信佢。（其实而家医学美容都好普遍，整得靓就得！）首先靓就得啦！同埋最紧要係佢开心。（你接唔接受医美呢样嘢？）我觉得已经係好普遍，唔係咩嘅特别嘢，我会保持开放嘅态度，因为到我年纪大咗嘅时候，我都要微调一吓。”

周嘉洛唔觉古佩玲个样“硬胶” ：我睇佢都係好自然 | 香港01

周嘉洛昨日（19/1）现身将军澳电视城出席TVB处境喜剧《爱·回家之开心速递》宣传造势活动。对于同剧演员古佩玲早前出席《万千星辉颁奖典礼2023》上台领奖讲感言时，面上笑容僵硬凹陷呈“硬胶”样，再次引起网上热烈讨论。

周嘉洛接受《香港01》访问时表示：“其实我唔觉得佢有进化到，我睇佢都係好自然，同埋一样咁靓。（有时网民嘅评论会不会为你哋造成困扰？）网民有时都会留言话我唔好嘅地方嘅，又会讲吓我做戏好嘅地方。

我谂我哋做呢行，都会容易啲去接受，而我本身就好少将啲负能量去放大嘅，所以我就好少将负能量放出去。如果听到有啲有用嘅意见我都会吸收，但如果有啲恶性嘅批评，嗰啲我就会判断。”