原标题：周柏豪等女儿再写歌给她！菊梓乔劲歌再夺两奖

周柏豪等囡囡长大先写给女儿的歌：想多啲经历先！

歌手周柏豪到将军澳电视城出席《2020劲歌金曲优秀选第二回》录影，夺得1奖的他透露由以往1年出4、5首歌，近年变做贵精不贵多。

问到拍剧可会减少唱歌？他表示不会，因做歌只是很短时间，虽然近年少出歌，但感谢粉丝仍记着他。问到可会想写歌给囡囡？他表示：“反而想等佢大啲先写畀佢，想同佢多啲经历先写，陪佢成长几年后先写首我同佢嘅歌。”

他自爆反而最近写了歌给爸爸：“做咗爸爸先明白爸爸嘅感受，明白当年爸爸点解凼我哋开心，虽然大压力但又唔会表露出嚟，所以想写番出嚟。”

他又笑言之前已写过很多情歌给太太，问到妈妈可会呷醋？他笑言：“唔会，畀佢去旅行就得，但今年冇得去玩，同埋都见少咗我哋，又见唔到个孙。”

他又透露爸爸比妈妈更着紧个孙：“当个女出世时，我阿爸第1个去医院，但见到我第1句系问新抱点样，而唔系BB点样，所以我好感动。”

文章来源：TVB资讯台 W博：@香港TVB资讯台

菊梓乔激罕性感上下齐露　密实JW输晒

歌手菊梓乔（Hana）及同公司的JW（王灏儿），到将军澳电视城出席《2020劲歌金曲优秀选第二回》录影，Hana夺2奖，JW夺1奖。

Hana微露线头及大腿，问到为何如此性感？她笑言：“系咩？都系第1次见自己着咁短，因为stylist帮我亲手做呢件衫，觉得好靓。（打开性感路线？）其实都唔系咁性感，我觉得性感永远同我冇乜关系，之前试过着啲好性感嘅衫，但大家唔觉，今日好开心大家觉得我性感。”

讲到身穿密实西装套装的JW似乎较为输蚀，她表示：“今日着得colourful啲，我冇特别想性唔性感，着衫系视乎场合。”

讲到她将开拍TVB新剧《欺诈剧团》，首次拍剧的她表示很紧张：“今日记招见到其他演员，都有问佢哋意见，我饰演企业家，其中会同林德信有感情线，但就冇亲热戏。（套剧尺度大？）想法系几大，都几搞笑，好彩我识林德信，所以都冇咁紧张。”

Hana亦透露想再拍剧：“自从拍完《刑侦日记》之后好似上咗瘾咁，我好锺意开剧日夜癫倒嘅生活，因为我想不停做嘢，唔想瞓觉，反正我又瞓唔到觉。”

问到两女岂不是会争攞今年“最受欢迎女歌星”？JW即让赛：“我今年好少作品，我真系完全冇谂奖项，我今年又大改变，focus自己进步，多啲尝试。”

连夺两届女歌星奖的Hana就表示平常心，拿过已很开心，记者打趣颁两个女歌星奖咪得？她只谓：“所有嘢都系bonus，今年出咗碟已满足。”另外，问到JW旧爱Mark被爆曾伤人坐监，她落闸避谈：“我哋已经好耐冇联络，所以唔清楚。”