马国明（马明）（22日）与《新闻女王》全员现身澳门出席“结局夜女王终极直播”活动。马明早前与老婆汤洛雯苏梅岛结婚获得全城祝贺，他接受《香港01》 表示：“我OK嘅冇喊到！反而啲兄弟姊妹就喊晒，我就开心多过喊，我老婆就忍到，我见到都想喊?！”他继续指有很多兄弟姊妹哭泣，并表示：“林子善由头喊到尾，佢真係一个好感性嘅人。”

讲到老婆汤洛雯这次一手包办婚礼，他说：“我觉得我老婆好劲，我所有嘢冇Wedding planner，佢每个朋友搭咩航班嚟，车嘅安排食啲乜嘢，全部一手一脚安排好晒。甚至有啲人改咗机票，都帮佢改。我都有啲惭愧，嗰阵时我拍紧戏，佢真係安排得好好！”

提及母亲对于新妇筹备婚礼是否满意，他说：“有啊！其实每个朋友都有讚呢个婚礼，所有嘢都安排得好好。我爹哋妈咪就冇喊，我爹哋就好犀利，从来唔会喺公众地方讲嘢，但係嗰一日佢都出咗嚟讲嘢，好开心。”

被问到那一个婚礼情节最难忘，他表示：“我谂係跳舞嗰part，其实我係几抗拒跳舞嘅一个人，无论係台庆表演又好，总之叫我跳舞我就会有啲抗拒，但嗰晚跳舞係我人生觉得第一次enjoy嘅事情。我同我老婆未去泰国之前真係搵咗个老师去排舞。去到正式跳嘅时候，我终于第一次享受觉得好开心跳嗰隻舞，但可能真係最后一次。”

至于练习的时候有否曾经受伤，他笑说：“冇闪亲条腰。”

讲到何时会庆祝度蜜月，他直言：“我谂出年啦！出年补番个度蜜月，《新闻女王》带挈多咗好多嘅工作，近排都係搵吓钱先！”至于生仔大计方面，他说：“我哋生小朋友就随缘嘅，我哋不嬲都话有就有，我哋成日都係好开放，我哋都好欣然接受上天嘅礼物。”

至于郑嘉颖早前回应向马明感到抱歉一事，他表示：“我有睇，但唔需要再解释啦！但我同佢太熟啦！我相信唔係啲咩，我见到个标题话道歉，其实唔係道歉我同郑嘉颖係冇闹过交，都唔知点解件事会变成咁！”

至于相约食饭一事，他笑言：“我太忙啦！我同佢太熟，都唔需要急住食一餐饭，等我过埋呢一阵忙完先。”

提到日前TVB公布万千星辉颁奖典礼《新闻女王》 入围十强最佳剧集，他说：“其实我每一年都唔会估自己嘅，每一个剧都係团队嘅嘢嚟嘅。”

讲到颁奖典礼会否会带同老婆汤洛雯出席，他说：“应该就唔会啦！因为今年应该嚟唔到颁奖典礼，睇吓下次有冇机会再出嚟。”

至于旧爱黄心颖最近出新歌宣传重提当年已经有道歉，他回应：“其实大家都过咗咁多年，都放低咗，重新开始，当年我都已经讲过唔会再嬲佢，大家都有个新嘅开始，希望佢永远快乐，大家唔好再执着！”

马国明岳父教夫妻之道

马国明指婚礼上有很多难忘的事情，其中一项是跳舞，他表示以前很抗拒跳舞，但今次就难得的享受：“婚礼隻舞係第一次觉得享受，可能当时气氛令到成件事好靓，我谂我真係人生第一次觉得享受，虽然唔係跳得好，因为自己根基有限，但每次我无以前咁样抗拒跳舞，台庆跳舞心里面都有少少抗拒，因为跳得唔好。”

马国明表示岳父大人叮嘱大家开开心心，要互相忍让等等。

马国明竟然无戴婚戒

马国明笑言现在终于等到靓汤叫他做老公，感觉几爽：“佢一直都唔肯叫，话结婚先叫，而家都几爽，好sweet，听到呢个称呼都开心。”

问到他为何今天不戴婚戒？他说：“我惊跌咗俾老婆闹，所以寻日攞咗去改，好惊唔见，实俾人闹，自己都唔好意思。（买过一隻。）意义都唔同咗。”